Pet mein jalan, dard ya discomfort har kisi ko kabhi na kabhi hota hai. Aksar log ise acidity samajh kar chhoti si problem maante hain. Lekin kabhi-kabhi yahi lakshan gastric ulcer ki taraf bhi signal kar sakte hain. Dono conditions stomach ko affect karti hain, lekin inka treatment aur severity alag hoti hai.
Is blog mein hum detail mein samjhenge gastric ulcer aur acidity mein antar, aur kaise aap inke lakshan pehchaankar timely doctor ko consult kar sakte ho.
Acidity Kya Hai?
Acidity tab hoti hai jab stomach mein zyada acid ban jaata hai ya acid esophagus (food pipe) tak aa jaata hai.
Common Symptoms Acidity ke:
- Pet mein jalan ya burning sensation
- Bar-bar belching (dakaar aana)
- Khane ke baad pet phoolna (bloating)
- Munh mein khatta ya kadwa taste
- Kabhi-kabhi nausea
Usually acidity occurs due to lifestyle factors, jaise oily/spicy food, overeating, stress aur late-night meals ki wajah se hoti hai.
Gastric Ulcer Kya Hai?
Gastric ulcer ek chhota ghav (sore) hota hai jo stomach ke andar ke lining par banta hai. Yeh zyada acid ke wajah se ya infection (Helicobacter pylori bacteria) ke wajah se develop hota hai.
Gastric Ulcer ke Common Symptoms:
- Pet ke upper part mein constant ya sharp pain
- Khali pet ya raat mein dard zyada hona
- Black stools (kabhi-kabhi blood mix)
- Bhukh kam lagna aur weight loss
- Bar-bar nausea ya vomiting (kabhi-kabhi blood ke sath)
Gastric ulcer, acidity ki tarah ek simple condition nahi hai. Agar ignore kiya jaye toh serious complications ho sakti hain jaise stomach bleeding ya perforation.
Gastric Ulcer aur Acidity Mein Antar
| Point | Acidity | Gastric Ulcer |
| Cause | Zyada acid, spicy/oily food, stress | Acid + H. pylori infection, weak stomach lining |
| Pain Nature | Jalan aur burning sensation | Sharp/stabbing pain jo khali pet aur raat ko zyada hota hai |
| Duration | Kabhi-kabhi ya food ke baad | Long-lasting aur repeat hone wala |
| Other Symptoms | Belching, bloating, bitter taste | Weight loss, blood in vomit/stool, severe nausea |
| Severity | Mild aur manageable | Chronic aur dangerous ho sakta hai |
Kab Doctor Ko Consult Karna Zaroori Hai?
Agar aapko lagataar acidity ho rahi hai ya above symptoms dikh rahe hain, specially:
- Black stools
- Vomiting with blood
- Sudden unexplained weight loss
- Persistent stomach pain
To yeh gastric ulcer ke lakshan ho sakte hain. Aise mein delay na karein aur turant gastroenterologist se consult karein.
LGI Hospitals – Expert Care for Gastric Problems
LGI Hospitals mein gastric ulcer aur acidity ke accurate diagnosis aur advanced treatment ke liye expert gastroenterologists available hain. Yahaan patients ko milega:
- Advanced Diagnostics – Endoscopy, H. pylori testing aur imaging facilities
- Expert Doctors – Experienced gastroenterology team jo personalized treatment plan banati hai
- Comprehensive Care – Diet guidance, medicines, lifestyle management aur agar zaroorat ho toh surgical options
Acidity aur gastric ulcer ke symptoms ek jaise lag sakte hain, lekin dono ki severity alag hoti hai. Acidity usually lifestyle-related hoti hai, jabki gastric ulcer ek medical condition hai jiska timely treatment bohot zaroori hai.
Agar aapko doubt hai ki aapki acidity simple hai ya gastric ulcer ki taraf badh rahi hai, to delay na karein.
Aaj hi LGI Hospitals mein appointment book kijiye aur apne stomach ki complete screening karvaaiye.